రియాలిటీ చెక్‌ మీద మా పెద్దోడి అభిప్రాయం

(పెద్దోడు రియాలిటీ చెక్‌ చదివి తన అభిప్రాయాన్ని ఇలా రాశాడు. పుస్తకంలోని పాత్రే లేచి నడిచొచ్చినట్టుగా ఉందని దీన్ని ఎఫ్బీలో జూన్‌ 2021లో పోస్టు చేసినప్పుడు రాశాను.)

రియాలిటీ చెక్‌ 

------------------

ఈ పుస్తకాన్ని రాసింది మా నాన్న పి.రాజిరెడ్డి. ఈ పుస్తకంలో చుట్టుపక్కవాళ్ల వ్యవహారం గురించి, ఇంకా మా నాన్న వాళ్లతో సంభాషించింది ఉంది. దీనిలో అరవై టాపిక్స్‌ ఉన్నాయి. వీటిలో కొన్ని బాధ కలిగించాయి, మరికొన్ని జాలి కలిగించాయి, ఇంకొన్ని నవ్వు కలిగించాయి. నాకు దీనిలో ‘‘హిజ్డాలతో ఒక ఆత్మీయ సంభాషణ’’, ఇంకా ‘‘ప్రతీక్‌ లేని ఇల్లు’’ చదివితే బాధ కలిగింది.

ఇంకా నాకు ‘‘స్కేరీ హౌజ్‌’’ నవ్వు కలిగించింది. అప్పటినుండి నేను నాన్నతో కలిసి అక్కడికి వెళదామని ఒక కోరిక కలిగింది. కానీ పన్నెండేళ్ల లోపు వాళ్లకు నో ఎంట్రీ. ‘‘లక్ష ప్రశ్నల ఉదయం’’ చదివితే నాకు నేను ఇలా ఇన్ని ప్రశ్నలు అడిగానా అనిపించింది.

వీటికోసం మా నాన్న కొన్ని చోట్లకెళ్లి, అక్కడి వాటిని చూసి, దానిలోని చెప్పదలచింది, దానిలోని బాధను, ఇంకా వాటి కష్టాల్ని గురించి తెలిపారు.

నాకు ముందుగా కొన్ని టాపిక్స్‌ అర్థం కాలేవు. కానీ చదువుతుండగా నాకు అవి అర్థం అయ్యాయి. 

నాకు ముందు ఈ పుస్తకం ముందున్న ఫొటో అర్థం కాలేదు. కానీ తరువాత అదే రియాలిటీ అని తెలిసింది.

రియాలిటీ చెక్, అబ్బా! రియాలిటీ చెక్కే!