వాస్తు

అటెల్ సాహెబ్ ఇంటి ప్రహారీ
ఆదుర్రు మల్లారెడ్డి క్యాష్ కౌంటరు
సరోజనమ్మ వంటగది
నిరంజనయ్య పూజగది
రంగారావుగారి చేదబావి
రాజాసుందరంగారి ఆఫీసుతావు
ఏవీ వాస్తుకు లేవంట.
అందుకే వాళ్లెవరికీ బాగాలేదంట.
అదిగందుకే వాటిని కూల్చేస్తున్నారంట.

నిజానికి-
ఈ ప్రపంచమే నాకు వాస్తుకు లేదనిపిస్తోంది.
దీన్ని కూడా చాలా చోట్ల కూల్చెయ్యాలి.
చాలా చాలా చోట్ల తిరిగి నిర్మించాలి.