మొన్న బతుకమ్మ పండక్కి ఊరెళ్లినప్పుడు, పిల్లల దగ్గర నా ఘనతను చాటుకుందామని, ఇంట్లో భద్రంగా ఉన్న దీన్ని బయటికి తీయడమైనది. చూస్తే దీనిమీద నా పేరు కూడా ఉందని గమనించాను. ఈ పదీ ఇరవై ఏళ్లలో మళ్లీ చూసింది లేదు. టెన్తులో క్లాస్‌ ఫస్ట్‌ వచ్చినందుకు మా కీసరగుట్ట రెసిడెన్షియల్‌ స్కూల్లో ఇచ్చారు. మేడ్చల్‌ లయన్స్‌ క్లబ్‌ వాళ్లు ప్రదానం చేశారు. టెన్తు హాల్‌టికెట్‌ కోసం వేములవాడలో ఫొటోలు తీసుకున్నప్పుడు, అవి బాగా వచ్చాయని స్టూడియో ఆయన ఊరించాడు. అయితే అది పేపర్ల పడుతది కావచ్చు, అని మా బాపు మురిసిపోయాడు. పడలేదులేగానీ 533 మార్కులు వచ్చాయి. అప్పుడు స్టేట్‌ (ఉమ్మడి ఏపీ) ఫస్ట్‌ ర్యాంకర్‌ మార్కులు 556. అటూ ఇటూ తిప్పుతూ, 1993–2023 అంటే సరిగ్గా ముప్పై ఏళ్లయిందని బాపు గుర్తుచేశాడు. బంగారు పతకం ఏమోగానీ, మాయమైన బంగారం లాంటి వయసు మీదకు నా ఆలోచన పోయింది.
(31 అక్టోబర్‌ నాటి ఎఫ్బీ పోస్ట్‌)
No comments:
Post a Comment