హిందూ రిపోర్ట్: బెస్ట్ ఆఫ్ ద బెస్ట్

వీటిని ఎలా పోస్టు చేసినా, స్వోత్కర్షగానే కనబడతాయి. కానీ మనకు ఉన్నవి ఇలాంటి చిన్న చిన్న ఆనందాలే కదా! కాబట్టి మీరు భరించకతప్పదు. లేదా సింప్లీ స్కిప్ ఇట్. ఇది ఇవ్వాళ్టి హిందూ(27-8-10)లోని ఫ్రైడే రివ్యూలో వచ్చింది.

వర్తమాన తెలుగు కథ-2009

2009లో వచ్చిన ఉత్తమ కథలను తిరుపతికి చెందిన అభినవ ప్రచురణలు సంపాదకుడు సాకం నాగరాజ సంకలనం చేశారు. ఈ తరహాలో వారి నుంచి ఇది తొలి ప్రయత్నం. ఇందులో నా కథ చింతకింది మల్లయ్య ముచ్చట కూడా చోటు చేసుకుంది. దీనికోసం నేను మొట్టమొదటిసారిగా తిరుపతికి వెళ్లాల్సివచ్చింది. రెండ్రోజులు జీవితాన్ని మరింతగా విస్తరించుకున్నట్టు అనిపించింది. ఒకట్రెండు క్వాలిటీ పరిచయాలు జరిగాయి.
ఫొటో రైటప్... ఎడమనుంచి వరుసగా: మహమ్మద్ ఖదీర్ బాబు, దగ్గుమాటి పద్మాకర్, బి.చంద్రశేఖర్, వేంపల్లి షరీఫ్, పూడూరి రాజిరెడ్డి, సాకం నాగరాజ, తుమ్మేటి రఘోత్తమ్ రెడ్డి, బి.వినోదిని.

యండమూరి వీరేంద్రనాథ్-తో స్పెషల్ ఇంటర్వ్యూ

యండమూరితో సంభాషించినదాన్లోంచి పేజీ పరిమితుల వల్ల పాతిక శాతమైనా ఎడిట్ చేయాల్సి వచ్చింది. అయినా క్రీమ్ ఏమీ మిస్ కాలేదు. ఈ ఐటెమ్-లో నేను ఈర్శ్య అని తప్పుగా రాశానని, దాన్ని ఈర్ష్య అని రాయాలని మిత్రుడు భాస్కర్ చెప్పాడు. అలాగే బాచి.

థాంక్స్ విహారి గారు!

మధుపం- మీద వచ్చిన విలువైన రివ్యూ ఇది. రాసింది విహారి గారు. ఇది జూలై 18న ఈవారం జనవార్త పత్రికలో అచ్చయింది. కాని నేను ఆలస్యంగా, అంటే ఇవ్వాళే చూశాను. దాన్నే ఇక్కడ రీ-ప్రొడ్యూస్ చేస్తున్నా.